همس الأنامل

 

ذقت  الوداد بطـي مظروف            ما بيـننا في نبـض لأسلاك

تكتب وانااكتب عذب لحروف           همس  الأنامـل  صار نجواك

لو  ودّك  اتجامـل   بمعروف            خذني على  جنح الهوى وياك

بادرتـني بالصـدّ   واتعوف            شخصٍ  يذوب بحسّ طرواك

راعيت  فـيني الهمّ  والخوف            قلت الوصال  و نلت فرقاك

ما خـذتني يا زين بالـروف            أيسـتني  من شـفّ  لاماك

تشـكي من الايام لظـروف           و اشكـي أنا منك وشكواك

شفت السهر و الجسم متلوف           لو ع التعب بوجسيم  فدواك

ما قد طلبت الروح  واتشوف           عزّ الـطلب في كـفّ يمناك

هيّئت لاجلك سـاحة اليوف           تسرح و تمرح  وسط  مرباك

حسبي عليك   القلب ملهوف           يا قاطـعٍ   آمـال    لقياك

وينك  ترى ذا اليوم  مقطوف           من شـجرةٍ في عمـر دنياك

لو لك شـراتي قلب مشغوف          ما قـلت لي بتروح  وانساك

                                                        خلي القلب

العودة لصفحة القصائد

مواقع أدبية لمراسلة الموقع سجل الزوار الصفحة الرئيسية

copyright www.uae20.com©2006